Inizio pagina

Colletzione

Su Museu collit sa colletzione de isculturas e pinturas prus importante de su mundu de sas òperas de Costantino   Nivola; prus de dughentas òperas remunidas pro mèdiu de donatziones diferentes. In printzìpiu, sa viuda de s’artista Ruth Guggenheim, at isseberadu sas isculturas de Nivola e mescamente sas òperas de s’agabbu de su percursu suo, cando est torradu a sas istàtuas – cun su grupu Madri e Vedove – e a sos materiales de prètziu de s’iscultura traditzionale.

 

A custas, ant annantu unas cantas òperas de terrasanta de sos annos Sessanta e Setanta (Letti, Spiagge, Piscine), unos cantos traballos de lamiera sestada e modellada de sos annos chimbanta (Antenati), un’issèberu de pinturas e unos cantos modellos de progetos pùblicos de tempos diferentes (bassurilievos ammaniados cun su sandcasting e modellos tridimensionales pro monumentos, de ghisu e àteros materiales). In prus su Museu at finas una regorta de òperas gràficas, chi esponet a borta a borta.

barra dx