Inizio pagina

Chie semus

Corpo della pagina

Sa Fundatzione Costantino Nivola naschet in Orane in su 1990 pro more de sa Regione Sardigna, de sa Comuna de Orane e de sa famìllia de s’artista (L.R. n. 35 de su 31 de trìulas 1990 e L.R. n. 14 de su 20 de cabudanni 2006, art. 21).

Iscopu de sa Fundatzione est su de promòvere sas òperas e su messàgiu de Costantino Nivola e de s’arte contemporànea in generale, pro mèdiu de atividades espositivas, de chirca e de divulgatzione, a manera de dare unu cuntributu a sa crèschida culturale e econòmica de sa comunidade locale e regionale. Pro custu sa Fundatzione gestit su Museu Nivola e su parcu a inghìriu, ammàniat mustras, cunvegnos, prèmios e faghet cuncàmbios culturales cun istitutziones sardas, natzionales e internatzionales.

Sa Fundatzione at unu patrimòniu fatu de benes immòbiles e de òperas de arte: unu cumplessu museale mannu cun unu parcu e bator fràigos impreados che ispàtzios espositivos e de addòbiu, ufìtzios e depòsitos e chi sunt in unu tretu panoràmicu de su giassu de Orane; una colletzione ùnica in Europa de isculturas, pinturas, disegnos, tzeràmicas e maquettes (est a nàrrere modellos tridimensionales) de Costantino Nivola, unu de sos protagonistas de s’iscultura architetònica de su Noighentos, e peri s’artista sardu prus connotu a livellu internatzionale.


S’identidade visiva de sa Fundatzione est resumida dae su logo nou donadu a su Museu Nivola dae s’istùdiu Paolo Bazzani. Ispiradu a sa gràfica de sa meidade de su Noighentos e a una genia de lettering (est a nàrrere s’issèberu de sos caràteres) achipidu in s’Olivetti, su logo ammentat a manera indireta duos temas fundamentales in s’òpera de Nivola, inditados dae s’esperièntzia chi at àpidu in sa dita de Ivrea: sa règula de pònnere paris matèrias diferentes e su balore de sa bida de cumone.

Presidente:

Giuliana Altea

Vicepresidente:

Antonella Camarda

Consìgiu de Amministratzione:

Cristina Baiocchi

Emanuele Cabras

Franco Carta

Marco Crudu

Antonio Fadda

Pietro Fancello

Richard Ingersoll

Gianluca Nonnis

Carl Stein

Roberto Virdis

 

 

 



Info Museu

Oràrios

10 – 13 / 15,30 – 19

mèrcurìs tancadu


Prètzios

Billete: chimbe èuros intreu, tres èuros iscontadu

non pagant sos pitzinnos finas a sos 18 annos, sos disàbiles e sos chi los acumpàngiant; sòtzios de su museu.


Bìsitas ghiadas

Bìsitas ghiadas: 2 èuros in prus de su prètziu de su billete intreu.


Cumpartzi in

Agiuda∙nos

Sa donatzione tua nos agiudat a crèschere

Faghe una donatzione

sostienici